优惠论坛

标题: 利华古逊夫添灭蜂 [打印本页]

作者: Zero66 时间: 2011-1-14 13:57
标题: 利华古逊夫添灭蜂
[size=4]今晚德甲重开即爆发前列大战，“三哥”利华古逊喺主场火并榜首多蒙特。“蜜蜂兵团”上半季咁劲唔多唔少靠香川真司，可惜佢因要踢亚洲杯有排都返唔到嚟；相反利华今场有波历克孭飞，为保后上争标机会，呢场6分波唔输得，让平半朱枫捧上盘！（有线61及202、中央5台周六凌晨3:30直播）

多蒙特上半季势如破竹，最后赢得冬季联赛冠军，足足抛离第2位嘅缅恩斯10分，教练高普更加带挈多名新人上位，但讲到最Sharp醒一定系香川真司，首季登陆德甲，短短半季时间就射入8球，难怪早前获德甲联赛官网选为“半季最佳球员”。

波历克维达尔热身赛上力

虽然多蒙特日前成功同门将维丹费拿续约至2014年，据讲呢位门神今仗可以同前锋巴里奥斯同中场马里奥葛斯齐齐复出，可惜香川真司因为踢亚洲杯暂时会离队一段日子，大大影响“蜜蜂兵团”嘅火力，教练高普亦话明未谂掂，唔知出穆罕默德施丹、夏捷拿定马里奥葛斯，证明佢对以上三个都冇乜信心。

对家利华古逊今季表现唔曳，暂时仅以得失球差唔及缅恩斯排第3，仲系法兰克福外，唯一一支上半季喺德甲赢过多蒙特嘅球队。球队早前喺歇冬期连赢两场热身赛，当中养伤多时嘅波历克，同因为细仔有病延迟归队嘅中场维达尔都有出场，预计今晚都可以上阵，以最强阵容应战，有力击败多蒙特，保持后上争标机会。[/size]

作者: arthur8602 时间: 2011-3-21 18:21
利华古逊夫添灭蜂

作者: fslhb1234 时间: 2011-3-22 03:28
肯定的！！！！！！！！！！！！

欢迎光临优惠论坛 (https://www.tcelue.ooo/)